Xorazm viloyati Qo‘shko‘pir tumani 35-son umumta’lim maktabida boshlang‘ich sinflarda nemis tili fanini o‘rganayotgan guruh o‘quvchilari ishtirokida “Germaniyada Yangi yil” mavzusida bayram tadbiri tashkil etildi.

Tadbir davomida o‘quvchilar nemis tilidagi qo‘shiqlarga raqslar ijro etib, she’r va tabriklar aytishdi hamda Germaniyada Yangi yil bayramini nishonlash an’analari haqida qiziqarli ma’lumotlar taqdim etdilar. Ushbu tadbir o‘quvchilarning nemis tili faniga bo‘lgan qiziqishini yanada oshirishga xizmat qildi.